ARBASOAK [ancestree] / 2021 / 37 min (aldakorra)

Bi artista eta ikertzaile, Martin Etxauri Sainz de Murieta aka Txo!? (ikus-entzunezkoa eta baliabide berriak) eta Xabier Erkizia (soinu-artea eta entzutearen kultura), Museoko Behatokian elkartuko dira zuzeneko obra bat sortzeko. Egingo duten esku-hartzerako aukeratu duten arloa makinen bizitza sekretua da. Baliteke makina eta giza gorputzen arteko alderaketa saihestezina izatea lehenengoen funtzionamendua ulertu eta autonomia irudikatzeko. Artisten esanetan, "gorputz mekaniko horiek ere izerdi egiten dutela onartu dugu, elektromagnetikoki bada ere". "Makinen barne-bizitza hori entzungarri eta ikusgarri egitea, eta haien xuxurla eta aieneen barru-barrukoa argi-itzal bihurtzea" bilatuko dute.

*Ikusi azpian prosezu osoaren bideoa

“Ba-Dabiltza” lau zatiz osatzen da: Liluran Dabiltza, Larri Dabiltza, Oker Dabiltza eta Aztoratuta Dabiltza. Zatiak irudi eta soinuaren dekonstrukzio digitala, “dabiltza” aditza eta irudi eta soinuaren aldibereko manipulazioa dute amankomunean.

Bilboko Azkuna Zentroko Eguzki Pantailan egindako instalazioa, SmartPlaces programaren barruan. Processing-en programatutako bideo generatiboa begiztan.

Izadiaren pixelizazioaren eta pixelizazioaren izaerari buruzko hausnarketa. Zer ezberdintasun dago pasatzen ari diren zuhaitz batzuen eta mugitzen ari diren kubo batzuen artean, behin LED array batean isurtzen direla? Zein da kontsumitzen, erregistratzen, gordetzen eta argitaratzen ditugun irudien izaera? Nola erlazionatzen gara digitalki jasotzen dugunarekin?

BikoLabs-ekin lankidetzan sortutako pieza interaktiboa, NUPen 30. urteurrenaren erakusketarako. Instalazio horrek azken 30 urteetako ikasleen datuak giza irudi bihurtzen ditu. Giza irudi hori elkarri lotutako eta elkartutako puntuez (datuez) osatuta dago, eta ikasleen banakotasun guztiak irudikatzen dituen izaki likido baten meta-bistaratzea sortzen du.

Ignis Fatuus gorputza sugarretan likidotzeko sistema bat da. Transmutazio mekanismo bat, zeinari nire izatearen zatiak eman eta arima-argitan bilakatzen dituen, ikuslegoa eta nire arteko espazioan izaten diren mamuak, izatezko errituala den obra honen hemen eta orainean sortzen diren existentzia iragankorrak.

Berutarentzako kutxen diseinua “grafika generatiboa” deitutako teknikaren bidez sortua da: Diseinu grafiko lanabes jakin bat erabili beharrean, Inkscape edo Illustrator modukoak, programazioa erabiltzen da, kasu honetan Processingekin egina. Ezaugarri finko batzuk ezartzen dira, beste batzuk aleatorioak, azken finean diseinua sortzen denean bete beharreko hainbat baldintza eta arau. Egindako programa martxan jartzean, aleatoriotasuna arau eta baldintza horien barruan espresatzean diseinuak sortuko dira, bakoitza bakana eta errepikagaitza delarik.

Kasu honetan adibidez, ezker zein eskuinaldean, marra eta borobil gutxi gora beherazko kopuru jakin bat sortzeko programatu zen. Arrainaren logotipoa gutxienezko tamainean zuen lehenbiziko borobilean sartzeko sortu zen, oso txikia geratu ez zedin. Borobilek bi kopuru arteko tamaina behar zuten izan eta marrek neurri jakin batzuk ezin zituzten gainditu. Horretaz gain, noski, beste arau asko ezarri ziren diseinua bilatzen zenaren parametroetan izan zedin.

Uharteko Arte Garaikide Zentruan izandako “La Habitación 1: T.A.Z. (Zona Temporalmente Autónoma)” erakusketan, 2017ko otsailean aurkeztutako instalazio interaktiboa.

Lan hau Alba G. Corralekin egindako grafika generatiboko ikastaro batetik jaiotzen da.

Beruta eta Txo!?ren arteko kolaborazio proiektu hau, Dani Resanok Runa Green festibalerako zerbaik elkarrekin prestatzeko gonbitea luzatzen digunean jaiotzen da. Proposamena maniki baten gainean eta denbora errealean jantzi eta estilismo ezberdin hainbat sortzean datza.

Elurmaluta bezalako proiektu batek, non ardatzak teknologia eta medio berrien erabilera eta esperimentazioa diren, ezin zuen ohiko logotipo estatiko bat izan.

2016ko abenduaren 3an, Gayarra Antzokian, Iruñean, "Nazioen Festibala"-n egindako ikusentzunezko zuzenezko bapatekotasun emanaldia.

Donosita 2016 Kapital Kulturalean txertatua zegoen "Hormek Diote" proiektuaren barruan egindako ikusentzunezko mappinga. 2016ko uztailaren 28an, Donostian.
Ostera "Hormek Diote Zinera" programaren barruan hainbat salatan proiektatua.

Soinuaren sustraietatik paisai digitalak jaiotzen dira, musikaren kolpeen erritmo sutsuari jarraiki eraldatzen diren espazio aztergaitz atenporalak. Haien bertizeak azpimarratzatzeko bat egiten duten uhinek bermarraztutako amildegietan suntsitzen diren sintetizadoreek markatutako ibilbideak. Hortzmugan eguzki aztoratu batek etengabeko eraldaketan dagoen munduaren erritmoak markatzen ditu...